 |
| उद्घाटन सत्रका प्रमुख अतिथि लागाएतका अतिथि ज्यूहरु |
बर्दिया जिल्लाको मधुवन नगरपालिका वार्ड नं. ४ मा अवस्थित साना किसान कृषि सहकारी संस्था लि. ढोढरीको १६औँ वार्षिक साधारण सभा आज मिति २०८०।०८।१६ गते सम्पन्न भएको छ । ने.रा. मा.वि.ढोढरीको प्राङगडमा भएको साधारण सभाको सभाध्यक्ष संस्था अध्यक्ष श्री रुकमाया पौडेलले गर्नुभएको थियो । मधुवन नगरपालिकाका नगर प्रमुख श्री तेज बहादुर भाट प्रमुख अतिथि रहनु भएको कार्यक्रममा राष्ट्रिय सहकारी महासंघ लि.का संचालक श्री लक्ष्मी प्रसाद शर्मा(आकाश) रहनुभएको थियो । यस्तै गरि साना किसान विकास लघुवित्त वित्तीय संस्था लि. शाखा कार्यालय नेपालगन्जका इलाका प्रबन्धक श्री शेर बहादुर चौधरी ज्यू, मधुवन – ४ ढोढरी निवासी समाजसेवी श्री सुरेश पन्थ ज्यू, साना किसान कृषि सहकारी संघ लि. बर्दियाका सचिव तथा सहकारी कर्मचारी समाज नेपाल बर्दियाका अध्यक्ष श्री डम्बर के.सी. ज्यू र वडा नं. ४ का वडा अध्यक्ष श्री बलिराम चौधरी ज्यू को विशेष आतिथ्य रहेको थियो । यस्तै गरि नेपाल राष्ट्र बैंकका उप– निर्देशक तथा सहायक निर्देशकको समेत विशेष उपस्थिती रहेको थियो । कार्यक्रममा अन्य स्थानिय विभिन्न संघ संस्था लगाएत सुरक्षा निकाय तथा वुद्धिजिवि र सुभचिन्तक ज्यूहरुको उपस्थितीमा साधारण सभाको उद्घाटन सत्र संचालन गरिएको थियो ।
 |
| सहभागि शेयर सदस्य ज्यूहरु |
१६४५ जना महिला शेयर सदस्य रहेको यस सहकारीमा करिब ११०० जना शेयरधनि महिला आमा, दिदीबहिनीहरुको उत्साहजनक सहभागिता रहेको थियो । “सहकारीको दिगोपन ः स्वनियमन र सुशासन” र “साना किसानको समृद्धि ः कृषिको रुपान्तरण र उद्यमशिलताको विकास” भन्न्ने मुल नारालाई आत्मसाथ गरि संचालन गरिएको कार्यक्रममा उत्कृष्ट कृषक सम्मान, जेष्ट शेयरधनि सम्मान कार्यक्रम गरिएको थियो । उत्कृष्ट वंगुर पालक किसान १ जना, उत्कृष्ट भैसी पालक किसान २ जना, उत्कृष्ट बाख्रा पालक किसान १ जना, उत्कृष्ट व्यवसायिक तरकारी किसान १ जना, उत्कृष्ट समुह बचत कर्ता १ जना यस्तै गरि असल ऋणी सदस्य तथा उत्कृष्ट शेयर खरिद कर्ता सदस्य १ जना र उत्कृष्ट अन्तर समुह संयोजक १ जनालाई सम्मान तथा पुरस्कार र प्रमाण पत्र प्रदान गरिएको थियो । यस्तै गरि १ जना शेयर सदस्यका सन्तती लाई एस.ई.ई.मा उत्कृष्ट अंक ल्याई प्रथम हुने विद्यार्थीलाई समेत सम्मान गरिएको थियो ।
 |
| जेष्ट शेयरधनि सदस्यहरुलाई सम्मानको झलक |
अतिथिहरुले शुभकामना मन्तव्य दिने क्रममा संस्थाको कार्यप्रगति उत्साहजनक रहेको, महिला सदस्यहरुले संचालन गर्नुभएको यस संस्थाले उत्कृष्ट कार्य गरेको र अझै थप सफलताको शुभकामना दिनुभएको थियो । हालै देखिएको वित्तीय संकटहरुबाट त्रसति नहुन र ऋण मिनाहा हुने र संघ संस्थाको ऋण नतिर्दा पनि हुने भन्ने जस्ता अफवाह फैलाई सहकारी क्षेत्रको बद्दनाम गर्न खोजिरहेको हुँदा त्यस्ता भ्रममा नपर्न आग्रह गर्नुभएको थियो । यस साना किसान कृषि सहकारी अरु वित्तीय संस्था जस्तो नभएको र यही स्थानीय स्तरको साना साना पूँजी एकत्रित गरि सहकारी संचालन भएको हुँदा आफ्नो संस्थाको सुरक्षामा आफैँ खटिनको लागि समेत सदस्यलाई आग्रह गर्नुभएको थियो ।
 |
| उत्कृष्ट कृषकलाई पुरस्कृत गर्दै |
आ.व.२०७९।०८० को आय व्यय तथा आार्थिक प्रगति प्रतिवेदनहरु प्रस्तुत गरिएको थियो । संस्थाको कुल १६४४ जना शेयर सदस्य २ करोड ८ लाख ९९ हजार शेयर पुँजी रहेको छ । बचत(निक्षेप) १३ करोड ४९ लाख ७३ हजार रहेको छ भने लगानीमा रहिरहेको ऋण(ल.र.र.) २० करोड ३४ लाख ९५ हजार रहेको छ । कुल वार्षिक आम्दानी ३ करोड १ लाख ६८ हजार भएको र २ करोड ३७ लाख ९२ हजार कुल खर्च भई ६३ लाख ७५ हजार नाफा गर्न सफल भएको यस संस्थाको कुल २५ करोड ५ लाख २५ हजारको कुल सम्पत्ती भएको प्रतिवेदन प्रस्तुत
गरिएको थियो ।  |
| शुभकामना मन्तव्य दिनुहुदै अतिथि |
 |
| शुभकामना मन्तव्य दिनुहुदै अतिथि |
संस्थाले गत आ.व. को खुद नाफाबाट ११।५ प्रतिशतका दरले शेयर लाभांश वितरण गर्ने तथा १७।५ प्रतिशतका दरले समुह बचत खातामा संरक्षित पूँजि फिर्ता कोष वितरण गर्ने र २।५ प्र |
| उत्कृष्ट कृषकलाई पुरस्कृत गर्दै |
तिशतका दरले ऋण कारोवारका आधारमा संरक्षित पूँजि फिर्ता कोष वितरण गर्ने प्रस्ताव साधारण सभाले पारित गरेको छ । यस्तै संस्थाको उपाध्यक्ष पदमा श्री कविना चौधरी ज्यू, लाई सर्वसम्मतीले आगामाी कार्यकालको लागि निर्वाचीत गरेको छ । यस्तै रिक्त रहेको २ वटा संचालक पदमा श्री अनिता कुमारी चौधरी र फुलरानी चौधरीलाई सभाले सर्वसम्मतीबाट निर्वाचीत गरि पठाएको छ । यस्तै गरि सदस्य बिमा बचत कार्यविधि स्वीकृत गरि बिमा बचत कार्यक्रम संचालन गर्ने योजना पनि शुरु गरेको छ भने आगामी वर्ष २०८०।०८१ को लागि नीति तथा कार्यक्रम र ३ करोड ७१ लाख ३५ हजार को आय व्ययको बजेट समेत सर्वसम्मतीले पारित गरेको छ ।
 |
| उपहार कुपन मार्फत इन्डक्सन चुलो प्राप्त् गर्दाको खुशिको क्षण |
संस्थाले सधारण सभामा १२ बजे सम्म आउने शेयर सदस्यको लागि उपहार कुपन -LUCKY DRAW_ को पनि व्यवस्था गरेको थियो र कार्यक्रमको अन्तिममा सो उपहार कुपन तानिएको थियो । उक्त उपहार कुपन शेयर सदस्य श्री सोमली थारुलाई पर्न सफल भएको थियो । उपहारमा १ सेट बिद्युतिय चुलो प्रदान गरिएको छ । संस्था प्रबन्धकले संचालन गर्नुभएको कार्यक्रम सभ्य र भव्य रुपमा सम्पन्न भएको छ ।
 |
|
 |
|
 |
|
Comments
Post a Comment